Amalie

Tuross Heads

Skrevet 25.08.2014 klokken 11:50 | Kategori: Australia | Kommentarer: 2


Vil minne om at kommentarfeltet er åpent, og eg hadde satt stor pris på tilbakemeldingar frå dykk som les. Vil også seie at det er umogleg for meg å få blogga veldig ofte, då eg trur dette kunne blitt ein kjedelig blogg. Det skjer ikkje alltid så mykje, så då er det betre å blogge når det først skjer noko!

På fredag reiste eg, Ally (outbound 2015 til Finland), Lilja (inbound 14/15 fra Finland) og min vertsfar Scott til Tuross Heads på sørkysten for å delta på den første studentweekenden der. Frå fredag til laurdag var det kun vi inbounds som deltok, og så kom neste års outbounds laurdag morgen. Når vi kom på fredagskvelden, koste vi med ein baby wombat, åt middag og haldt på med morsomme bli-kjent aktivitetar. I år er her utvekslingsstudentar frå Norge (meg), Finland, Tyskland, Østerrike, Sveits, Brasil, USA, Frankrike, Belgia, Tyrkia, Italia og Taiwan (ho har ikkje fått visum enda, så ho har ikkje reist hit). Alle var kjempehyggelige og utadvente.

Lørdags morgen veksla vi pins og visittkort med kvarandre, så no ser blazeren min litt mindre naken ut enn det den gjorde før eg reiste! Etter frukost kom outbound-studentane, og etter litt informasjon samla vi oss i grupper og snakka og svarte på spørsmål frå dei som skal reise til landet vi sjølv kom frå. Eg fekk møtt han som skal reise til Norge - og han skal faktisk reise til STRANDA. Var sjukt tilfeldig, og han var den einaste som faktisk har fått vite noko i det heile tatt om kvar han skal - good job Stranda Rotary, eg er herved stolt av å vere "medlem". Han var ein ganske hyggeleg kar, som eg trur kan passe godt inn i 98-kullet. Då han kjem frå Canberra, Australias hovudstad, kan det kanskje bli eit lite sjokk å komme til bitte lille Stranda, men eg prøvde å overbevise dei om at Noreg er eit lite land, og han får reise rundt i landet ganske mykje lettare enn i Australia. I tillegg har Stranda masse fritidstilbod, og eg er sikker på at han kjem til å få eit fantastisk år der. Då vi har også sagt oss villig til å eventuelt vere vertsfamilie viss nokon kom til Stranda på utveksling, kan det også vere eg får ein vertsbror når eg kjem heim - om ikkje han bur der når eg er vekke...

Vi fekk også litt tid til å gå ned på badestranda. Nokre av dei andre bada både på dagen og litt seinare på kvelden - personleg foretrakk eg å sjå på (har meget dårlig erfaring med sånn spontan bading..). Etter litt pynting med kjole og blazer åt vi middag, og seinare var det "P A R T Y" (som vår district chairman ville sagt) med musikk og masse godt. Søndagen gjorde vi ikkje så mykje anna enn å ete frokost og oppsummere helga.

  
 
 


Då eg kom heim igjen skypa eg med mi kjære Julie ei stund, noko som var utruleg godt ♥

Det var kjempekjekt å få møte alle dei hyggelige utvekslingsstudentane, og sjølv om eg for det meste kosa meg, veit eg ikkje enda om eg gler meg så veldig veldig masse til neste gang. Den "stereotypiske" utvekslingsstudenten er ganske utadvent og flyg rundt og pratar lett med alt og alle - og det var akkurat det alle der var. Sjølv er eg slettes ikkje sånn. For meg tek det tid å åpne meg og angripe folk med personligheta mi på den måten, og ganske masse av fritida vi hadde var nokre ganske "kleine" timar for meg. Det var også ein setting der eg var omringa av masse nye folk igjen, og denne helga fekk eg også mykje meir heimlengsel, igjen. Tuross var kjempefint - og eg ser fram til å feriere der i nokre dagar i rådgivaren min sitt feriehus der. Alt i alt var helga heilt OK -  eg er glad for å ha møtt alle, men den kunne absolutt vore betre. At den ikkje var tipp-topp var heller ikkje nokre andre enn min egen sin feil. Sånn er livet!  


   
  

Jeg har ikke tatt alle bildene, men har lånt noen av de fra Joshua fra Tyskland og Lilja fra Finland!

. . . . . . . . . . . . . . . . . . . . . .

2 kommentarer

Melbourne

Skrevet 18.08.2014 klokken 10:24 | Kategori: Australia | Kommentarer: 0


Heisann!!

Klokka 6 fredags morgon reiste vi til Canberra for å ta fly til Melbourne. Etter ein god frokost på flyplassen og ein kort og behageleg flytur, kom vi fram til leilegheitene vi skulle bo i. Vi gjekk så litt rundt i byen og såg. Lisa og Michael tok meg med til eit museum (eg hugsar ikkje kva det heiter..) om innvandringshistoria til Australia. Sjølv om eg ikkje er ein museum-person i det heile, var det faktisk ganske spennande. Eg feila som liberal Unge Venstre-politikar - då eg avviste ein gresk familie sin visumsøknad til 1920-talets Australia, og fekk streng beskjed om at den avgjerdsla var for streng... Deretter tok vi ein kjapp runde med Laser Mania, som eg tapte stort. Dessverre.

Når kvelden nærma seg for vi til ein skøytehall for å gå på skøyter. Eg måtte prøve å lære stakkars Michael å gå på skøyter, men med både meget begrensa engelsk og skøytekunnskaper, gikk det ikkje heilt som smurt. Kjekt var det likevel, og han blei i alle fall litt betre etter kvart! Etter dette tok vi turen til eit pariserhjul, for å få oversikt over Melbourne - og for ein fantastisk fin by! Personleg likar eg Bergen betre, men Melbourne er jaggu ikkje langt unna! Klokka 7 var det fyrverkeri-show på havna, før vi gjekk tilbake til leilegheitene for å ete litt gourmetpizza.


På laurdag starta vi dagen på Victorian Museum, der eg fekk lært meir om historia til aborginiarane. Også dette museumet var ganske spennande og veldig bra laga til. Deretter tok vi bybana til St. Kilda for å prøve ut Luna Park - på jakt etter litt adrenalin. Adrenalinjakta var mislykka frå mi side (trur eg må ha ein ganske høg adrenalinterskel), men det var kjekt likevel! Vi drog så tilbake til leilegheita, så eg fekk nyte min sikkert 100. cheeseburger sida eg kom. Ikkje bra. 

   



Lørdag kveld var det tid for Collingwood - Brisbane på den (tydeligvis) største fotballbana i AFL. Vertsmor er ein meget ivrig Collingwood-supporter, så difor måtte eg trosse ho og heie på Brisbane Lions. Litt for å vere vanskeleg, men også fordi det hadde vore kult med ein løve-pin på blazeren, då ei løve er Norges nasjonaldyr. Det var ein ganske kul opplevelse - men europeisk fotball er fortsatt sporten i mitt hjerte. Då vi kom heim igjen var det tid for Manchester United - Swansea, ein kamp som var ganske skuffande - meir treng ein ikkje seie om den saken. 

Før vi begynte på heimreisa på søndag prøvde vi ut ein slags ny greie der vi fekk prøve oss som drapsetterforskarar. Vi blei plassert i eit rom, og skulle prøve å løyse gåter for å kome oss vidare til eit nytt rom, og deretter finne ut kven mordaren var i rom 3. Vi kom oss så vidt inn i rom 2 før tida var omme, noko som var flaut nok..

Etter mitt ønske drog vi så til ei gokart-bane langs motorvegen på veg heim til Yass. Han som jobba der er no overbevist om at eg er eit naturtalent i sporten, og at eg burde fortsette med gokart. Etter første runde hadde eg beste tid på 39,4, og då han kom bort og lova meg sponsorkontrakt om eg kom meg ned på 36, tok eg utfordringa og kjørte på. Mi beste tid vart då 37,3, og eg tok difor rekorden for jenter og var 5 sekund etter den absolutt beste tida på bana. Ganske kult, og eg kan gjerne tenke meg å kjøre gokart mykje oftare!

Vi kom heim seint på kveld, og eg er no heime etter ein dag på skule igjen! Halsen min har forverra seg igjen, og eg byrjar å miste stemma. Ikkje kult, og meget lite attraktivt.

 

. . . . . . . . . . . . . . . . . . . . . .

0 kommentarer

Sida sist

Skrevet 10.08.2014 klokken 13:24 | Kategori: Australia | Kommentarer: 4


Hei alle sammen!

Sida sist har det skjedd ganske så lite, egentlig. Eg returnerte til skulekvardagen på torsdag, sjølv om forma fortsatt ikkje var tipp-topp. Eg fekk faktisk ordna det slik at eg no ikkje tek "maths extension" lenger, og heller skal ha sport kvar torsdag ettermiddag. Ettersom eg gjer alt det same i kvar mattetime ser eg heller nytta i å få trent litt. Men det skal altså nemnast at gym her i Australia er meget annleis enn heime. Her verken skiftar eller dusjar ein før/etter (det heng saman med at gym er i siste time), og til no har vi kun spelt sportar eg aldri i livet har vore utfor. I tillegg kombinerar dei alle mulige sportar eg aldri har hørt om til ein aktivitet. Meget spesielt, men eg er jo her for å oppleve og lære nye ting!

Fotballskoa mine kom på torsdag!! For ett par veke sida bestilte eg meg nokre nye Nike fotballsko frå England sida mine gamle var i ferd med å gå i stykker. Skoa var akkurat så vakre som det eg venta dei skulle være - om ikkje enda vakrare. Eg bestilte dei med initialane mine og norskeflagget. I tillegg valde eg grønne og gule, som er fargane på Australia sine landslagsdrakter. Berre nyt;

 

På fredag tok eg meg sjølv i nakken og la ut på min første joggetur sida eg kom. Frå her eg bur og til hovedvegen er det 5 km, så eg jogga dit og tilbake. Etter ein kjapp dusj drog eg, Brooke og Isabella til Walker Park for å sjå Rugby League. Det var særs kaldt, men ein ny og interessant opplevelse. At ikkje fleire blir skada er eit under for meg...

      

Her er vegen eg jogga på i 6 av 10 km. Ikkje det beste for mine kne og leggar, men det funka vel..

Lørdag var det fotballkamp igjen. Med såre og stive leggar og lår var grunnlaget allerede lagt for min prestasjon for dagen - då eg spelte utruleg dårleg. Vi vant 4-0, og eg scora ett. Sjølv kor skuffa eg er av mine eigne prestasjonar, er det kjempekjekt å vinne ein kamp der fleire har fått scora og vore med på seieren. 9 av 9 mulege poeng og 9-0 i målforskjell - der eg har scora 5 av dei - sida eg kom, er likevel noko å vere fornøgd med.

På kvelden drog eg til Canberra for å feire Brooke sin bursdag som er på tirsdag. Vi åt middag på Nando's og drog deretter til ein skøytehall der vi gjekk på isskøyter. I starten var det forferdelig vanskeleg, då eg ikkje har stått på skøyter på 4-5 år, men det var veldig kjekt!

Slapp av mamma, eg har ikkje lagt på meg så mykje, sjølv om det kan sjå slik ut ;))                                                                                                                   

Det blei ein tidleg morgon på meg idag, då Michael hadde ein fektekonkurranse i Canberra. Fekting er absolutt noko nytt for meg, så det er ganske interessant å følgje med på. Michael fekta bra (det var i alle fall det dei som har meir peiling sa) og kom på 4. plass. Scott tok meg med på ein køyretur rundt i City (den mest by-liknande delen av Canberra), der eg fekk sjå The Parliament på nært hald. Seinare køyrde vi opp på eit utkikspunkt med utsikt over heile byen. Sånn ca.

   

 


Den raude stripa dokke ser i midten av bildet er War Memorial, og er eit stort område med memorial til alle krigane Australia har innvolvert seg i. Rett over den "man-made" innsjøen, ser ein så vidt nokre kvite greier, og det er der parlamentet ligg. Ganske kule bygningar!

I morga blir det tilbake til skule, og på fredag reiser eg og vertsfamilien til MELBOURNE. Der skal vi sjå AFL (vertsmor sitt favorittlag Collingwood spelar) og forhåpentligvis go-kart. Melbourne skal visstnok vere ein ganske så fin by, så eg gler meg stort!! 

. . . . . . . . . . . . . . . . . . . . . .

4 kommentarer

Vellykka kjøttkaker, og presentasjon for Rotary

Skrevet 06.08.2014 klokken 09:10 | Kategori: Australia | Kommentarer: 2


På søndag skulle eg som nemnt lage kjøttkaker for vertsfamilien. Ettersom eg aldri i livet hadde laga det frå grunnen av, var eg meget spent på resultatet. Etter ein liten "livevideo-snap" med litt tips frå mamma, trur eg at eg tørr innrømme at kjøttkakene var av dei beste eg har smakt. Vertsfamilien likte det også veldig godt, og eg er absolutt klar for å lage det oftare. Godt med litt god norsk mat innimellom alle Maccas-run'a mine ;-)

I går (tirsdag) var eg på møte i Rotary igjen. Også denne gang var både selskapet og middagen tipp-topp. Eg haldte også presentasjon om kven eg er og kvar eg kjem frå. Den fekk eg mykje god respons på - og dei var overraskande nok veldig imponert av engelsken min. Sjølv er eg ganske lite imponert, heller det heilt motsatte.. Men i alle fall, så har mange av medlemmane i Yass Rotary tenkt å ta meg med på mange forskjellege turar rundt i distriktet! Det var ein vellykka kveld, og eg kunne ikkje komt inn i ein betre Rotaryklubb enn dette - alle er veldig hyggelege og interesserte i kvar eg kjem frå. Forresten skulle eg seie at eg kjem frå verdas finaste område. Dei blei med andre ord ganske imponerte over Stranda og omegn. Har aldri vore stoltare over å få representere bygda og kommuna mi ♥






Ellers har eg faktisk ikkje vore på skule sida mandag.. Å vere heime frå skule var faktisk (sorry mama og pappa ♥) planlagt frå både mi og vertsforeldra mine si side - då det var Manchester United - Liverpool klokka 10 australsk tid. Då går det faktisk ikkje ann å sitte på skulebenken, altså.. Det som ikkje var like planlagt var at eg faktisk skulle bli sjuk. Med opphovna mandlar og drøvel blei eg sofaliggande idag også.. Etter eit legebesøk idag tidleg har eg altså kun hatt eit virus. Sjølv om eg er glad for at det ikkje var streptokokkar/halsbetennelse igjen, er det meget kjipt at der ikkje er noko ein kan gjere med det, og at eg kun må vente til det blir bedre.. Ingen fotballtrening på meg idag, då....

I morga skal eg og vertsmor til Canberra igjen for å fikse bursdagsgave til Brooke, og for å fikse diverse anna. I helga feirar Brooke 18-årsdagen sin, og vi skal til Canberra for å gå på skøyter - noko eg gler meg veldig til. Har også fotballkamp på laurdag - heldigvis ein heimekamp - så får eg sjå korleis forma er til då. 

Eg har endelig funne meg skikkeleg tilrette her, og byrjar å virkeleg like meg her. Familien er så super som den kan bli, og folka her er sinnsjukt hyggelege! Eg hadde faktisk ein "draum" her ei natt om at mamma beordra meg heimatt - noko eg ikkje var særleg glad for. Ser på det som eit meget godt tegn på at underbevisstheita mi byrjar å forelske seg i Yass og Australia allereie!

No sit eg og gaflar i meg is og brownies, noko eg har gjort alt for ofte i det siste..  ser eg ikkje allereie ut som ein ball, gjer eg det hvertfall snart...

. . . . . . . . . . . . . . . . . . . . . .

2 kommentarer

Woden Valley Wolves - Yass FC

Skrevet 02.08.2014 klokken 14:55 | Kategori: Australia | Kommentarer: 0


0-4!! Idag spelte vi kamp på Mawson i Canberra, mot Woden Valley Wolves. Første omgang var ein veldig god omgang, og eg scora 3. Scora eit mål som definitivt får plass blant mine topp 3 finaste mål. Ein suksessfull fotballørdag, igjen! No går det i kortspill her i heimen, og i morga blir det kjøttkaker i brunsaus. Ikkje at eg faktisk har laga det fra botnen av nokon gong - så dette kan bli interessant for alle partar..

. . . . . . . . . . . . . . . . . . . . . .

0 kommentarer

Veka mi

Skrevet 02.08.2014 klokken 01:41 | Kategori: Australia | Kommentarer: 1


(Sjølv på andre sida av jordkloda har mamma evna til å overtale meg.. Eg håpar berre ikkje norsklæraren min bestemmer seg for å kike innom her...)

Denne veka har vore veldig bra, og har gått veldig fort! På mandag blei eg innrullert i spansk, så no slepp eg bekymre meg for å måtte ta det opp igjen som privatist når eg kjem heim igjen! På kvelden var det bursdagsfest på fotballbana, noko som var veldig koselig. Populært tema for kvelden var typisk australsk mat dei skal prøve å stappe i meg. Eg har enda ikkje prøvd vegemite - og har heller ikkje tenkt å gjere det i næraste framtid, berre så det er nemnt.

                                                                                                                     

Dette er meg og to lagvenninner - Caitlynn og Taylah!

 

Tirsdagen fekk eg skypa med mi kjære Kristin! Det var godt å få litt visuell heimleg kontakt igjen. Deretter drog eg på mitt aller første møte i Yass Rotary. Folka her var veldig koselig, og maten var kjempegod. Eg gler meg allerede masse til neste møte på tirsdag (.. Eller ikkje?? Eg skal halde presentasjon, og med mine engelsk kunnskapar kan dette bli interessant for alle andre enn meg..) Onsdag skjedde det ikkje så mykje, anna enn fotballtrening.

Torsdag drog eg og Brooke på mitt første Maccas-run (eit australsk uttrykk for å fare på McDonalds). Tru det eller ei, men bitte lille Yass har både KFC, McDonalds og Subway. Ein lettelse for ein stakkars utvekslingsstudent som var bekymra for ikkje å legge på seg noko "exchange weight"! Deretter drog vi heim til Brooke for å ete heimelaga hamburgera med mora til Brooke. Enda ein lettelse for mi lille vektbekymring! Det var veldig koselig.

På fredag var det "career expo" på skulen sitt bibliotek heile skuledagen. Det var heilt valgfritt å delta - men kven sei vel nei takk til gratis gyldig fravær ein heil skuledag? Ikkje eg i alle fall!! (Usikker på kva Ms. Rosa meiner om mi manglande spanskinnlevering, då...) På kvelden tok Brooke og Louise meg med på ein australsk musikal. Den var veldig bra, med masse slangord og australsk musikk! Deretter gjekk turen til enda eit Maccas-run.

                                                                                                                           


I helga er eldste vertsbror på besøk, og på søndag skal eg lage kjøttkaker i brunsaus til heile familien. I dag, lørdag, skal eg til Canberra for å spele fotballkamp. Eg skal også prøve å få tatt nokre bilder av Yass, slik at dykk kan få sjå kvar eg bur! 

                                                                               

. . . . . . . . . . . . . . . . . . . . . .

1 kommentar

hits